Category: ‘AbdulAziz Burai

- Të kujdesen për lidhjen me ulemate dhe shujuhet e davetit selefij, dhe t’i pyesin ata për çështjet që i kanë të paqarta, ose për çështjet që u shfaqen atyre në rrugën e davetit.

- Të lidhen me ta për të mbajtur mësime nëpërmjet telefonit apo internetit, sepse në këtë ka forcim për ta dhe përhapje të dijes në vendet e tyre. Dhe nëse u jepet mundësia për të marrë dijetarët për vizitë, atëherë kjo është mirësi e madhe.

- Të bashkëpunojnë me njëri-tjetrin duke kontribuar dhe sakrifikuar për përhapjen e dijes së saktë dhe menhexhit selefij mes njerëzve. E nëse do të kenë nevojë për ndonjë ndihmë, të mos kërkojnë ndihmë përveç se nga All-llahu, pastaj nga vëllezërit e tyre selefij, si dhe të bëjnë davet brenda mundësive të tyre, e mos ta ngarkojnë vetën e tyre përtej mundësive që i kanë, në mënyrë që të mos detyrohen për të pasur ndonjë nevojë nga jo-selefijtë.

- Njëkohësisht, e kanë detyrë që të përfitojnë nga mjetet bashkëkohore, të cilat i ndihmojnë në përhapjen e davetit, si për shembull: Interneti dhe transmetimi i drejtpërdrejtë, i cili quhet on-line; si dhe mjetet e tjera në dispozicion, si: shpërndarja e librave të përkthyer në Gjuhën Shqipe apo audio-incizime, qofshin kaseta apo CD.

Burimi: http://selefi.org